芒果粒粒雪糕

原先好想整榴蓮雪糕的，但可惜買唔到靚榴蓮，又見呂宋芒好靚，噤決定轉一轉陣！

預備好材料

先將兩個芒果去皮起肉，用攪拌機打爛，備用

之前的步驟一樣，蛋黃同砂糖攪勻至米白色，今次為左令雪糕更健康，除左繼續用有機黃糖之餘，試用脫脂高鈣奶，睇下有無分別。煲好隔渣，加入芒果醬，攪勻後放入雪櫃雪過夜。

雪左一晚後加入淡忌簾，攪勻之後就可以放入雪糕機。

因上次攪到周圍到係，所以今次黑貓醒啦，用漏斗噤就易清潔得多。

20分鐘後完成，好香芒果味，再加入粒粒芒果肉就可以入盒雪。