黑貓の工作坊: 北海道白色の聖誔親子遊 DAY 13 Mother Farm Part I

北海道白色の聖誔親子遊 DAY 13 Mother Farm 2010年1月3日晴

經過禽晚一晚勞役後，今日一早就要起身出發攞車，有心水清的朋友就會知道我地個張JR PASS係未用盡的，但當我出發前已係網上check左一大輪，發現如果我地為左慳個少少錢坐佢個shuttle bus的話，除左無時間玩之餘，仲要累死.....黑貓媽媽仲想長命百歲，所以同毛媽商量後都係決定租車算吧啦!!!

以東京JR駅為例：

先要由東京坐JR =====> 君津駅 ( 請係 10:40前好到啦!!就shuttle係呢個時候會開車 ) =====> 跟住坐40分鐘送迎巴士 =====> Mother Farm ( 11:20到逹 )

詳情可入去睇下 http://www.motherfarm.co.jp/access/public_way.html#tokyo

晨早的池袋人不算太多，唔知係唔係好天的關係，整個人都好清爽!!!

今次我就係ToCoo度租車仲要試下日產車，不過，依家諗起真係超後悔，因為無論服務同車的質數同Toyota相比真係差左D，尤其個GPS同BB seat真係要唔要都擺!!!池袋個個日產真係幾難搵，好彩出發前問左Hotel個哥哥仔，佢比左個地圖我地先搵到咋，因為都行到好民宅位置!!!

搞左一輪之後 ( 服務態度真係無謂講!!! )我地終於可以出發啦!!!今次呢個旅程0既路費係超過我地之前所行的錢，淨係由東京上橋到呢度都要先付出700日圓!!!!真係住係城市真係洗費大..........沿路景色真係好靚。

左無幾耐又要比錢交橋費......貴到嚇死人啦!!!有無見過可以碌卡先得架???

原先就係到諗點解要噤貴，成3400日元喎!!!原來係一條超長的海底隊道，入左去之後好似無盡頭噤都無話唔驚呀!!!原先諗住就到....點知又比個GPS老點，行左路要行番轉頭，好彩都搵番條路，不過比多左錢錢JA.....

先講講Mother Farm的位置係千葉県富津市田倉940-3，而且係山上添，所以要經歷一段又彎又長的路，就係呢個時候不幸的事發生了，就係我地都無諗過噤灣，車神周亦無為意就噤按之前的車速

上山，跟住就係黑貓BB將早餐食0既飯團 ( 仲要係貴個隻 ) 嘔係黑貓媽媽紫色毛毛衫上面，OH NO!!!!!雖然量唔多亦無液體，但真係完全係嘔飯囉!!!!粒粒飯黏住D毛毛要清理都唔容易，所以一到步就分頭行事，我同黑貓BB去廁所，毛毛媽佢地就去買入塲票!!!!好彩黑貓BB嘔完飯後都無咩大礙....只能怪黑貓媽媽一時唔記得黑貓BB唔西得......明明講緊都嘔...............