櫻花九洲行@2007 DAY 11 ( 上篇 )

2007年4月14日 晴                                                 櫻花九洲行@2007 DAY 11 ( 上篇 )

經過一晚的洗禮，我們的心情仍然有不開心，但為免影響其他團友，旅程依舊往廣島出發，或者有其他事物分散注意力，心情都開始平伏，沒有昨晚那樣!!

去廣島縣要先搭JR往宮島口，因今次想去已被列作《世界遺産名錄》的建在海上的神社 ===> 嚴島神社，之後再轉搭高速船往宮島!!我們乖搭7點28分的JR前往，大約8時15分便到了碼頭，當然不是一出駅就到，還要步行少少的路!!沿路見到有人製作陶器，好認真呀!!

乘上8時45分的船就朝着十分有名的宮島出發。

大約23分鐘船就到啦~~~嘩......我黎呢度之前，從未諗到係呢度可以噤貼身見到鹿的，在鹿兒島看不到，反而在這裏見到，好開心呀!!
黑貓PAPA仲好大胆噤買餅餅餵牠們，嘩....有野食喎!!當然唔放過啦~~~~呢一刻比幾隻鹿圍的事情都唔係整日都可以發生!!!不過在這裏當地人已經同鹿同化了，鹿可以在這裏自由自在噤生活，牠們不怕人，本地人也不會弄傷牠們!!呢一種生活真的十分好!!

沿路行入去為的就是睇最著名的大居鳥，呢度真係好靚同埋好清靜，雖然遊客都幾多，但唔知點解都好靜，唔似香港噤去邊都好嘈!!

黑貓KIKI：HI...你地好!!!我路過咋.....唔洗噤緊張!!唔阻你地啦..............走先!!

終於行到入去啦~~~你們看係海中的大居鳥係唔係好靚啦!!仲要有鹿相襯簡直靚到唔識形容~~~~  鳥居其實是神社的入口。從前到嚴島神社參拜時要從海上開始，所以它聳立在社殿前的海面上。大鳥居高16米，重量約為60噸。2根粗大的柱子是由500〜600年樹齡的天然楠木製成，運用日本古老的建築技術完全依靠自然的重力矗立在那裏。大鳥居平常被海水浸去一半，退潮時就可以走去行下。   

宮鳥隔離就是嚴島神社，剛好碰見有日本人舉行傳統的結婚儀式

，我們班女團友都當然唔放過呢次的機會走去八掛一番啦!!!當然要影下相，他們都好好客，唔介意我們黎攪攪震，睇下又真係好靚架!!!可能文化不同，他們的親友都係穿黑色架!!!一D都唔驚唔好意頭，但香港此終都避忌下。                    

之後，我們就入神社裏面參觀下，裏面分主殿、平舞臺及高舞臺主殿為神社的中心建築物。嚴島神社的主殿供奉著祭神的三女神，普通人要從它前面的拜殿開始參拜，但又唔知點解放左噤多唔同的清酒係度，都幾搞鬼!!!

行完神社後，就行去呢度最著名的商店街表參道，係到之前就比我們見到有燒宮島蠔呀，當然唔放過要買黎諗下先~~~~黑貓PAPA唔食架，所以買左個兩隻都入晒我個肚到!!!哈哈.....


燒都燒到手軟.....

黑貓KIKI：嘩....o-i-shi....

食得噤辛苦........所以都唔比佢食!!!

係等食時，發生左同伴相殘事件，唉....真係登黑貓KIKI可憐，都叫佢平時和善D啦，整日寸寸共，先至有今時今日的事發生!!!

|||黑貓KIKI：你唔好埋黎呀~~~~你嗅下好啦!!!哪...哪...哪...

黑貓KIKI：唔好出手呀....救命呀~~~

黑貓KIKI：就噤死左~~~~~你好野!!!我認得你....你隻死肥貓!!!

(請各位留意一下背後個幾個....尤係係個隻三色貓一D都無理過前面發生咩事，但阿鹿大哥就全程睇晒呢件欺凌事件，但都係得個睇字，永全無諗過出手幫下!!)

呢度有即燒即食0既獅子狗卷~~~~~yummy!!!

最大個飯瞉呀!!!!!

仲有HELLO KITTY呀~~~~~                                                                 

係宮島玩左一朝都係時間走啦!!!不過，我們仍會係山口縣四處玩下，會去邊??請留意下篇!!!