科學遊

2009年8月21日 晴

今日終於可以同黑貓BB去科學館啦!!點解噤講?!因為每一次想黎呢度都一定有阻礙，唔係忙到爆，就係關館~~~~今次黑貓PAPA一時興起就一家大細嘗試坐西鐵出尖咀!!

黑貓BB係西鐵通車後，第一次由元朗坐西鐵到尖東，她表現十分興奮，其實真係唔係好知點解噤興奮??通車之後毎一次都問幾時去柯士甸站等等，老實講她真係貪新鮮，唔知係邊有咩??不過D細路就係噤!!!
原先諗住坐西鐵會近D，但原來好鬼遠架...行到就黎死都無特止，仲晒到死!!!

終於幾經辛苦先行到左科學館，先買入場卷!!嘩......原來入場費都唔平喎，成人：35元，小朋友17.5元，一家大細入費已經要先付87.5元!!!

先黎玩下鏡子先!!!睇下有好多人呀~~~~~    

 

 

嘩.....點解得番個頭架!!!!!!

 

 

玩左一陣，就入去今次的主題 ---> 糖果嘉年華

見到有一班小朋友係到噤跳，黑貓BB當然唔放過入去跳埋一份，但我同黑貓PAPA係出邊噤睇就覺得部機好慘~~~點解??

因為呢個其實係話比大家知味蕾分部，每隻色都代表唔同的味覺，每踩到一隻色，前面的感應器就會著，你話啦!!!噤跳法佢感應到傻啦，係噤不定噤著，真慘!!!!

 

玩完後，黑貓PAPA就走左入去人地個鼻裏......

 

E.....噤多人排隊做咩呢???哦...原來有糖派，定我地又排隊攞糖先!!!!睇真D呢粒係Super Lemon有食過的人都知，係酸到爆!!!!呢個實驗係要試驗大家食左糖之後個表情會係點!!!!                                                                    

 

 

唉........呢個所謂的糖果嘉年華真係......令人有少少失望，我諗行左都唔夠15分鐘就行完，同埋無咩特別，連製作糖果的過程都無介紹.....所以真係唔係幾值得入去!!

之後我們就去玩其他玩意，試下唔同0既實驗，如果大少少會好D，因黑貓BB其實唔係好明，只係知有野玩，當中的原理係咩???她一D都唔明~~~

 

 

玩玩下黑貓PAPA就開始發癲，呵呵........

 

不經不覺已經唔知自己上到第幾層，只係知自己魂不付體噤，到最後簡直想訓低!!!所以陪黑貓BB玩的責任完全落係黑貓PAPA，鬼咩前一天無睡，今早只是睡了兩個鍾就比樓下裝修的聲音嘈醒.....依家真的....

  

當我們踏出科學館的時候已經係下午5時多，係餓與唔餓之間，另加腳軟的情況之下，就行到MR. Brown度飲下野，最大係可以有梳化坐下伸一伸雙腳，不過呢個代價都不弱，兩杯野飲成為72元。

 

 

 

HEA左一輪後再次長征出發去今晚食晚餐的地方，新港中心的鼎泰豐!!!因黑貓PAPA好鍾意食小龍包，上次去上海食得唔過癮，今次就決定黎一試別人讚口不絶的店鋪!!去到時已經係六點了，以為好早，但見已有人比自己更早，未食前已比人感覺到呢度0既服務水準一流，除好禮貎之外，仲會係一個服務員負責兩至三張枱，無求令你唔會叫人無人的情況出現，起碼好耐都無試過會有待應不停時比你斟茶，睇清楚係斟茶唔係加水呀!!!另值得一讚的係，個厠所內的清潔嬸嬸呀，好禮貎之餘，每個客人去完厠所都好都會用淸毒濟抹一次厠板，另會同客人打招呼，噤真係劉生所講的服務態度!!!!

係等菜上前先無聊之拍一下，黑貓BB都幫我們拍左幾張，就係呢個時候唔知黑貓PAPA餓得制定無聊之極，又可以做無聊野|||

 

 

 

先黎個頭盤先：醉雞 ( 雞肉滑、酒香 ) 、 蘿荀絲海哲 ( 爽 )

菜肉蒸餃 ( 菜有少少苦，皮較硬，令人失望 )

香葱雞蛋絲炒飯 ( 簡單得黎好食，因唔係度度都整得好 )

主菜：小龍包兩籠 ( 皮薄湯多，夾時又唔會穿底，值得一講的係籠裏鋪了布做底，令人更容易夾起又可以環保D )

紅燒牛肉麵 ( 從未試過個湯充滿牛腩的香味，可惜飽得制試唔真牛肉 )

一家大細個個食得好滿足，走的時候見出面已經有好多人等位，那時只是7點左右，再次興幸我們早些來食，如果叫我等長時間，我諗係等的期間已經唔想食囉!!!!之後，就去了city supper行一圈，最終買的是黑貓BB愛吃的啫喱，每次必買!!!