2009年7月25日 晴
今日做左一單JOB，係令我有衝動執野唔做的工作!!! 我在這行雖然日子不長亦不是一個好叻的化妝師，但從來無人話我個妝唔得!! 即使係面對Top Model都無呢D事情發生，但今日我就比一個客話我個底唔得.....我亦不是一個唔好脾氣唔聽客意見的人，但今天我真係有呢一刻的衝動囉~~~~~~當然我無做到啦!!!!話晒我都係專業的，以客為本都呢一樣野我都知道，但心裏已XYZ@!!$%VBH囉 ~~~ 但又真係想知咩叫個色OK，但又浮起令本身個皮膚色浮現出黎......我真係抓頭囉!!!! 最後我都係比我個partner做因我真係頂唔住，老實講之後個客比我partner化完，我又唔覺有咩唔同，反而我覺得我唔會做呢D妝囉，佢鍾意個種登台唱大戲個D妝就早講，大佬呀!!!!我D粉要錢買架....仲要係貴野~~~ 本身皮膚唔好的人又唔想有蠟像噤0既效果，，我如果真的做到就唔係收你 $250啦!!!
有時真係唔係好明個D師奶 ( 真係得罪，但唔噤講難發洩我心頭的怒氣 )，要明白的是我只是一個化妝師，唔係一個整容醫生，眼袋，變大眼.......呢一d只可以傘得幾多得幾多，唔可以變走的!!!!張塊鏡放大噤睇....咩都唔點囉!!!!毛孔粗我都無幾，係電視或雜誌見到明星個樣噤靚，噤都因為燈光 + 過濾左先有噤0既效果......長期缺水夜瞓壓力大都無計.....
唉....最大打淚是....我個partner仲衰...食水深....收客$600，我係個客都挑三挑四啦!!但比我就........ ( 上面已提 )，噤你仲可以要求我做D咩!!!!
客人有好多種, 唔好咁生氣啦!
回覆刪除[版主回覆07/27/2009 22:39:00]我都係噤諗，所以發洩完就無事!!!我相信我是最好的 ( 吳君如都係噤講 !!! 哈哈!!!)
Hehe，原來你係化妝師，好勁呀!! 咁如果第時我有d護膚嘅問題可唔可以問下你呢?...譬如好似咁多種精華素，應該點分次序先後用呢??
回覆刪除[版主回覆08/02/2009 09:31:00]yes ar!!歡迎...歡迎...有咩可以問我!!!如果我識一定會教你們的!!!
Hehe, 咁我唔客氣喇，我想問下，d美白精華素同補濕精華素，應該用邊種先呢? 仲有，其實每次整完一種野上塊面，跟手又整第二種，d皮膚其實吸唔吸收得切呢?...需唔需要隔一陣會好d呢? Thx ar~~
回覆刪除[版主回覆08/03/2009 18:34:00]我會建議你分開黎用....晚上用補濕，日頭用美白，其實無話吸唔吸收得到，因為吸收得有限，你諗上毛孔噤細要入到去都幾難，去美容院因會做機所以效果好少少，不過我會建議你用完美白精華可以唔洗再買，因為防晒較緊要，令願做足防晒如：搽防晒霜、傘、太 陽眼鏡呢D係必需，令自己的黑色素唔好噤快浮出，噤就無噤易出斑!!!!加食多D含維他命的生果都已經足夠，退斑個D產品基本上作用唔大，但就真係要做足補濕功夫，因皮膚缺水好易會敏感或出暗瘡等問題!!!
Oh~明白明白，真係唔該晒，因為d美白產品其實都幾貴，用左好耐又唔覺得有好明顯嘅改善，聽你咁講一於改為早晚分開用....防晒我都有用，不過成日覺得一朝早就整咁多野上塊面會好唔舒服咁，所以有時懶會skip左佢......
回覆刪除[版主回覆08/04/2009 22:34:00]令願skip精華素都唔好skip 防晒~~~~防晒SPF15++ 就OK架啦!!
我都好驚搽太多野，所以朝早都係toner, 眼霜、面霜同防晒!!!