DAY 3@上海之旅 周莊( 上篇 )

2009年3月29日  陰                              DAY 3@上海之旅  周莊( 上篇 )

今日一早就坐的士去了人民體育館，去個度做咩? 就係去報一天團囉!!!鬼咩原來呢幾日係上海0既旺日，旺咩??就係旺去做孝子賢孫囉!!!!基本上大部份人都會去晒蘇州呀、杭州呀呢D地方，火車票一早就賣晒.....噤我地點呢???唯有去呢度睇下有無死雞執囉!!!!

人民體育館~~~               

都好彩仲有九點半0既票，不過就無導遊 ( 仲好我都唔係好鍾意有導遊 )，呢種一天團優點係包入場票、車費、中午可以自己顧自己唔洗行行下要番約定地點，又唔洗盲摸摸去搵車!! 但要睇時間囉~~~~通常佢地要收工都要6點左右返到去上海，即係四點幾就要回程架啦!!部旅遊車都唔錯架，下次再黎都可以試下，噤樣都係百一蚊人仔，抵過自己買火車票!!

車程沿路都有好多靚景~~~~~

經過個幾兩個鐘頭0既車程，我地終於到啦!!

呢度都好古色古鄉架~~~~~                                                                              

  

入城啦~~~~~                                                                                    

 

行行下見到有間武館，但無人可以隨便入去搞下，D野真係真架!!!

老公本黎都好型仔                                                                                       

但係跟住傻左                                                   

其實周莊只係好似一個城鎮噤，周圍有D靚景同民藝0既野，行得多都會有少少悶架!!緊係最出名係元蹄，仲好好服務架，等你揀好左就幫你做真空處理，等你可以攞走!!!呢D就係商業頭腦，香港真係要學下啦~~~~~

呢度用黎辨公0既地房~~~~

                             估下係咩???咪係舊時0既水缸，用黎儲水!!

行左噤耐終於行到呢到最出名0既商橋!!!

行左噤耐揀間食館食午餐先~~~~~ 就係河邊個間啦!!!一路睇住D船一路食野都幾請情畫意

雖然係清茶淡飯，但都好好味~~~~尤其個D野菜真係係香港食唔到~~~

食完飯之後黑貓BB已經等唔切要去坐船船，嗯!!好啦~~~~就坐下體驗下!!!但都幾貴架喎要80蚊人仔架喎!!有人就撩夾埋一齊船，噤可以平D!!但黑貓BABA就話唔好，點都係一家人坐一條船好玩D，想點都得呀MA，噤又係....貴D就貴D啦!!!出到黎唔計噤多....

學人大嬸划下船先~~~~

                            本黎諗住叫大嬸叫下山歌黎聽下，但要成10蚊人仔，噤就唔好啦~~~~~又知你唱得好唔好聽

                            呢度好多美術學生黎寫生~~~~