有d人問，下又去日本有無第二度去呀!!!! Sorry，暫時係無!!!其他要去0既地方大多數係有少少逼於無奈要去的，例如 : 上海 ( 因要探老公個D親戚 )，但日本係出於自願，仲要係渴望，我諗同我一樣中左日本毒0既朋友都會了解的!!!!
呢個PLAN基本上已係上次07年去完九州櫻花之旅後，就深深埋入我腦海，仲要係一定要帶埋阿囡去，因為上次無同阿囡去，點都會有少少掛心無玩得噤放，再加上最後個兩日出現左一D唔開心0既事情，令個旅程有少少唔完美!!1
今次雖然仍有好多阻制，例如 : 有D人答應左去跟住又話無錢唔去，再加上老公又唔想去 ( 有時都會係度諗係唔係嫁錯郎，因為佢真係極度唔鍾意去旅行的，但我又好鍾意去，所以都幾矛盾架 ) 不過唔去都好，一來少左老公的管制，我同阿囡買野都會開心D，男人就係噤口講買啦，心就話仲買，唔洗錢呀!!! 哈哈...今次仲唔買番夠本 ( 無錢都係噤話，最多番黎捱世界 )，二來同一D唔係志同道合0既人去係玩得無噤開心架，因為下下都要就呢樣就個樣都無話唔煩
所以經過上次的教訓都係同阿哥Donald去好了，點知出左票之後，有條友又話要去喎!! (因為知票係唔洗比錢錢後，只係比出票行政費同機場稅 ) 個個咪係我孖生家姐Evelyn小姐囉!!!! 跟住仲激都有，就係要帶佢個十五個月大0既阿B去 ( 到時先有十五個月，唔係依家十五個月 ) 你話係唔係極度高難動作
所以係設計行程上面都幾慘!!!
依家大約行程如下：(希望比下意見)Day 1 22/12 (二) 零晨機 (ANA) 去札幌 ( 約早上九時多到 ) 宿札幌
如果可以想去白之戀人到行下 ( 阿囡話要睇人整朱古力 )
Day 2 23/12 (三) 札幌 ====> 小樽 ====> 札幌 宿札幌
日本假期 唔知D鋪頭有無關門!!
Day 3 24/12 (四) 札幌 ====> 函館 ( Star use JR Pass7日 ) 宿函館
Day 4 25/12 (五) 函館 ====> 登別 ( 遊地獄谷，溫泉街 ) 宿登別溫泉旅館
Day 5 26/12 (六) 登別 ====> 札幌 (中轉站) ====> 釧路 宿釧路
Day 6 27/12 (日) 釧路 ====> 乘觀光巴士遊纜 ===> 阿寒湖 宿鶴雅溫泉酒店
Day 7 28/12 (一) 阿寒湖 =====> 免費巴士 =====> 旭川 宿旭川
唔知趕唔趕得切去旭川動物公園???
Day 8 29/12 (二) 旭川 =====> 旭川動物公園 ===> 札幌 宿札幌
如果之前個日去到旭川動物公園，就可以一早番札幌，不過我諗都唔會趕!!
Day 9 30/12 (三) 札幌 ===> 東京 ( 可以的話想夜車， 仲要考慮 ，個人就想，因係一個好的體驗，真係好鬼好feel架!!! )
跟住係東京會開始自駕，當然去廸士尼就會坐番JR.....司機得一個，所以唔可以操勞佢!!!
Day 10 31/12 (四) 鬼太朗茶屋 ( 調布 ) ===> 南大沢 OUTLET 宿新宿/池袋
===> Hello Kitty Land
如果唔搭夜車都有好處，就係呢日可以去廸士尼
Day 11 1/1 (五) 新宿 ===> 箱根 宿溫泉旅館
Day 12 2/1 (六) 箱根 ===> 唔知橫濱順唔順路???基本上未考究 宿新宿 / 池袋
Day 13 3/1 (日) Mother Farm ( 今次旅程最主要的活動 ) 宿新宿 / 池袋
Day 14 4/1 (一) 廸士尼 (如果Day 10 去左就會改去MOTHER FARM，其實都驚星期日多人 )
Day 15 5/1 (二) 三鷹之森 ( 勁想去，但見佢28號開始休館，星期一又唔開，點都要迫D時間出黎去下 ) ====> 機場 ( 六點幾機，所以都要安排下去左我想去的地方，希望夠時間啦!! ) ===> 香港
以上都係基本行程，都唔知得唔得，原先無安排噤早去函館，但見有聖誕function唔去好似對唔住自己，但就去到25號，所以提早到步!!!最初plan呢個旅程時，都無諗到雪之祭，但依家真係有少少後悔，不過無計時間係最大問題，因為我個人較傳統過年要一家人齊齊整整一齊過，所以都係聖誕去會好D，雖然話糼稚園D功課唔係好緊，但都計出席日數，所以十二月同一月請假，學校係唔計算請假日，所以最後都係聖誕去!!!!!!
我暫時的一小點意見 :
回覆刪除1. 你們的小朋友懶唔懶瞓嫁? 如懶瞓就可以搭夜車, 如果不是, 對小朋友都幾辛苦. 你仲話第二日馬上去廸士尼. 因我07年試過, 他們之後好像打仗一様, 又未夠鐘 check in 上房, 會幾辛苦, 所以今年都無安排夜車.
2. 你去旭川是否只想去動物園, 因其實登別都有動物園和有企鵝遊行, 咁就不需再去旭川. 但當然可能兩個動物園分別很大, 所以你可比較一下. 我今年有去登別, 但無去動物園.
3. 你前半 part, 我今年都有去, 我正寫緊, 得閒上去探吓我.
[版主回覆06/04/2009 19:00:00]1, 我個小朋友係任何一個地方如果佢要訓都訓到，尤其我係身邊^^，但夜車就唔知，如果係巴士佢都訓到希望佢都得，如果坐夜車，第二日就唔會去廸士尼!!!
2. 我淨係想去旭川見電占及豆豆有噤好平價，真係好想去看下，登別之前都有去過，所以今次都係就家姐，只揀左去地獄谷^^
3. 快D寫快D寫....等緊你呀!!!!!!見你寫到第5日，好想知道你D其旅程係點!!!!!!!!
我都係中咗日本毒呀.... 所以我好明白你點解要去日本, 年尾去好正, 因為有大減價
回覆刪除[版主回覆06/04/2009 19:00:00]係呀.....超中毒!!!!!
你錯喇... 係阿哥叫我去跟住我見唔洗錢所以先CONFIRM話去咋...
回覆刪除我個仔都系5歲....嘿嘿, 你D行程我去年都有去一部份
回覆刪除睇完你個行程覺得有D趕, 景點一南一北, 坐車都坐死了
= 第一天肯定有時間去白之戀人, 那麼早就到札幌, 最好選JR站旁的酒店, 否則會後悔, 在雪地上帶上小孩走路慘過像蟻爬.
= 第 五天由登別去釧路, 坐特快的都要5個鐘, 在南千歲轉一次車, 如果坐慢車7個鐘以上, 最早一班快車10:41開.15:42到, 冬天此個時間差不多天黑了, 其實釧路好鄉下的 = =
=第六天 釧路-鶴雅, 不知道你是不是坐酒店巴士, 所以你要看觀光巴士與酒店巴士時間夾唔夾, 唔夾就要自己坐車去了, 酒店巴士時間 http://www.tsuruga.com/access.html , 看交通資料, 唔覺有免費接送去旭川喎, 話你聽一定唔夠時間去動物園, 當酒店真的有車去旭川, 但車程要5個鐘, 10點開車, 3點才到, 旭川坐車去動物園要一個鐘, 去到已關門, 我同老公都對個動物園無興趣, 睇完企鵝就走了
= 坐車系幾浪漫, 但用JR PASS都要補車費, 唔平, 仲要好難BOOK
我都覺得自己好長氣
[版主回覆06/10/2009 00:56:00]唔長唔長，本黎無諗住噤編，但睇D網友講架觀光車會係鶴雅到停，所以先會揀鶴雅住，同埋有車去旭川，只係1個小時，所以先噤編。
本黎係諗住札幌去釧路的，但又夠唔到去函館睇聖誕燈，唉都唔知點好
還想說1-3/1號系日本新年, 街是超多人的, 行百貨公司慘過唔駛錢, 全都是一堆堆的福袋, 日本人就死併的在找那個合心水, 箱根是東京人渡假性地, 酒店貴到你唔信, 仲要個幾日添
回覆刪除日本新年及五一都是日本人大假, 我兩個時間都去過......慘, 像去羅湖過關
[版主回覆06/10/2009 00:52:00]噤就慘.....因為就無可就，本黎諗住就唔係星期六、日，架下可能要轉下地點
可能星期日落去掛....但廸廸尼又多人到爆....今次真係想死!!
聖誕節, 日本D舖頭係照開架... 旭川動物園, 冬天好似3點定4點就close, 你要早d去喎~ 唔係唔夠時間行~ 旭川d舖頭好早收... 8點已經收... 早d計劃當晚幾點食dinner好... 我試過8點入去, 已經話過左last order唔俾我入... 我上年都係聖誕去左北海道+東京, 你可以參考下, tks~~
回覆刪除[版主回覆09/13/2009 22:32:00]我都知個度好鬼早就收....所以諗住個日一早攞車JAR個圈熟習下架車就一路剷去旭川動物園!!!!THANKS^^